ಪುಸ್ತಕದೊಳಗೆ - ೧

"ನಟಿ ಶಕೀಲ ಆತ್ಮಕಥೆ"

ಅನುವಾದಕ; ಕೆ ಕೆ ಗಂಗಾಧರನ್,
ಪ್ರಕಾಶಕರು; ಸೀಮಾ ಬುಕ್ಸ್, ಬೆಂಗಳೂರು.
ಪ್ರಕಟಣೆ; 2014
ಕ್ರಯ; ರೂಪಾಯಿ 200.

" ಈ ಪುಸ್ತಕದಲ್ಲಿ ನನ್ನ ಬದುಕಿದೆ. ಅನುಭವಿಸಿದ ನೋವು ನಲಿವುಗಳಿವೆ. ನನ್ನ ಜೀವನದ ಕುರಿತು ನಾನಲ್ಲದೆ ಬೇರೆಯವರು ಹೇಳಲು ಸಾಧ್ಯವಿಲ್ಲ. ಎಲ್ಲವನ್ನೂ ಪ್ರಾಮಾಣಿಕವಾಗಿ ಹೇಳಲು ಪ್ರಯತ್ನಿಸಿದ್ದೇನೆ"
- ಶಕೀಲ
( ಪುಸ್ತಕದ ಮುನ್ನುಡಿಯಲ್ಲಿ.)

"ಆತ್ಮ ಇರುವವರು ಸಾಮಾನ್ಯವಾಗಿ ಆತ್ಮ ಕಥೆ ಬರೆಯುವುದಿಲ್ಲ, ತಮ್ಮ ಆತ್ಮಕಥೆಯ ಹೆಸರಿನಲ್ಲಿ ಬಹುತೇಕರು ಬರೆಯೋದು ಇನ್ನೊಬ್ಬರ ಕಥೆ ಹಾಗೂ ಮಾಡಿಕೊಳ್ಳುವುದು ಆತ್ಮ ವಂಚನೆ" ಅನ್ನೋದು ಆತ್ಮ ಕಥೆಗಳ ಹೆಸರಿನಲ್ಲಿ ಪ್ರಕಟವಾಗುವ ಅನೇಕ ಕಗ್ಗಗಳ ಕುರಿತ ನನ್ನ ಅನಿಸಿಕೆ.

ಇಲ್ಲಿಯವರೆಗೆ ಓದಿದ ಅನೇಕ ಆತ್ಮ ಕಥೆಗಳು ಇದನ್ನ ಇನ್ನಷ್ಟು ದೃಢ ಪಡಿಸಿವೆ. ಆದರೆ ಪ್ರಾಮಾಣಿಕತೆಯ ಸರಳ ನಿರೂಪರಣೆಯ ಕೆಲವೇ ಕೆಲವು ಪುಸ್ತಕಗಳಲ್ಲಿ ಒಂದು So called ಸೆಕ್ಸ್ ಬಾಂಬ್ ಶಕೀಲರ ಆತ್ಮಕಥೆ.

ಮೂಲ ಮಲಯಾಳಂ ಭಾಷೆಯಲ್ಲಿ ಹರಿದಾಸ್ ನಿರೂಪಿಸಿ ಪ್ರಕಟಿಸಿದ್ದ ಈ ಪುಸ್ತಕವನ್ನ ಖ್ಯಾತ ಅನುವಾದಕ ಕೆ ಕೆ ಗಂಗಾಧರನ್ ಕನ್ನಡಕ್ಕೆ ಅನುವಾದಿಸಿದ್ದಾರೆ. ಮೈ ಒಳಗಿನ ಮನಸನ್ನೂ ಕಾಣುವ ಆಸಕ್ತಿ ಇರುವವರಿಗೆ ಇದು ಒಳ್ಳೆಯ ಓದು.